سياسة الخصوصية

ما البيانات اللي بنجمعها؟

رقم هاتفك (للتحقق وتسجيل الدخول)، اسمك، صورتك إذا رفعتها، منطقتك إذا اخترتها، وبيانات الجمعيات اللي بتنشئها أو بتنضم إلها: المبلغ، المدة، الأعضاء، التعليقات، وسجل الدفعات.

ليش بنستخدمها؟

عشان نشغّل الجمعية: نعرض الأعضاء لبعض، نحدد الأدوار، ونبعث تذكيرات بالدفعات. ما بنبيع بياناتك ولا بنشاركها مع جهات إعلانية.

مين بيشوف بياناتك؟

أعضاء نفس الجمعية بيشوفوا اسمك وصورتك وسجل التزامك. المنظّم بيشوف ملفك قبل ما يقبل طلب انضمامك للجمعيات العامة. رقم هاتفك ما بيظهر لحدا.

الأموال

المنصة أداة تنظيم فقط. ما بنستلم ولا بنحوّل أي مبالغ، وما بنضمن التزام الأعضاء. أي خلاف مالي بيكون بين الأعضاء أنفسهم.

التخزين والأمان

بياناتك مخزنة على خوادم Firebase من Google مع تشفير أثناء النقل والتخزين. الدخول محمي برقم الهاتف ورمز التحقق.

حذف الحساب

بتقدر تطلب حذف حسابك وبياناتك من صفحة الملف الشخصي أو بالتواصل معنا. بيانات الجمعيات المكتملة بتضل ظاهرة لباقي الأعضاء كسجل.

الشروط

باستخدامك التطبيق أنت توافق إن جمعية أداة تنظيم ومش طرف في أي التزام مالي بين الأعضاء، وإنك مسؤول عن صحة بياناتك وعن التزاماتك تجاه أعضاء جمعيتك.

التواصل

لأي سؤال عن الخصوصية: mabnoaza@gmail.com أو واتساب